Նոր տարի կամ ամանոր

   Ամանորի  տոնը  հունվարի  մեկին  հայերը  սկսել  են  նշել  համեմատաբար  ոչ  վաղ  անցյալում:  Հունվարի  մեկին  Նոր  տարվա  կապակցությամբ  միմյանց  շնորհավորելով  եզրափակվում  էր  ամեն  ինչ:  Կամաց – կամաց  նոր  շուք  ու  փայլ  է  հաղորդվել  Տարեմուտ  կամ  Նոր  տարի  տոնակատարությանը: 

   Ամանորի  տոնակատարության  ավանդույթները  հայոց մեջ  խմբավորվում  էին  հետևյալ  կերպ՝  բնակարանը  և  մարդու  մարմինն  ու  հոգին  մաքրելը,  զարդարելը,  ծիսական  ուտեստը,  ծիսական  այցելություններն  ու  մաղթանքները,  բախտագուշակություններն  ու  չարը  կանխարգելող  հմայական  խոսքերը:

   Նոր  տարվա  տոնին  բնակարանի  մաքրությանն  առանձնահատուկ  կարևորություն  էին  տալիս  տանտիկինները:  Բնակարանից  դուրս  էին  նետում  անպետք,  կոտրված  իրերը,  նորոգում  էին  բնակարանի  քանդված  մասերը:  Բնակարանը  պետք  է  շնչեր  մաքրության  բույրով:  Բնակարանի  զարդարանքը  ոչ  միայն  գեղագիտական  էր,  այլև  չարախափան  ու  բարեբեր:  Պատերին  և  մուտքի  դռան  վրա  փակցվում  էին  չար  աչքի  դեմ  կիրառվող  իրեր:  Ընտանիքի  բոլոր  անդամներն  այդ  գիշեր  պետք  է  լողանային  ու  հագնեին  իրենց  տոնական  հագուստը:

                                                Բժիշկ - առողջագետ ՝ Նելլի  Այվազյան