Այսօր կրթահամալիրի հյուրն էր Արցախի հանրային հեռուստաընկերության նկարահանող խումբը: Լրագրող Նարե Նիկողոսյանն ասաց, որ նյութը պատրաստելու են կրթության մասին պատմող իրենց հաղոդրման համար: Ինֆորմացիան այնքան շատ էր, որ իրենք գուցե երկու հաղորդման ժամանակ ներկայացնեն: Նրանք սկզբում շրջել էին Գեղարվեստի ավագ ու կրտսեր դպրոցներում, ապա` Միջին ու Ավագ դպրոցներում:
Մայր դպրոցում նրանք եղան լաբորատորիաներում, մարզասրահներում, գրադարանում, համերգասրահում: Տեսան, թե «Պարադոքս» թատրոն ինչպես է փորձ անում: Ավագ դպրոցի ակումբում էլ հանդիպեցին Արցախ մեկնած սովորողների հետ: Նրանք նաև անհատական հարցազրույցներ ձայնագրեցին ուսուցիչների ու սովորողների հետ:
Շուտով նրանք կներկայացնեն իրենց հաղորդումը, որը մենք ձեզ կներկայացնենք մեր կայքի միջոցով:
Մովսիսյան Գոհար
Info.mskh ակումբ