Այսօր՝ մարտի 18-ին կրթահամալիրի Մայր դպրոց այցելեց ԿԳ նախարար Արմեն Աշոտյանը: Ինչպես և նախատեսված էր ծրագրով, պարոն Աշոտյանն այստեղ անցկացրեց շրջայց, որը տևեց շուրջ 1 ժամ: Սկզբում Մարմարյա սրահում իր ողջույնի խոսքն ասելով Մայր դպրոցի սաներին՝ նա մասնակցեց ընդհանուր պարապմունքին: Այնուհետև Մայր դպրոցի մուտքի մոտ տիար Բլեյանը նրան պատմեց կրթահամալիրի մասին, իսկ պարոն Աշոտյանն իր հերթին պատասխանեց լրագրողների և մեր սովորողների հարցերին: Դրանից հետո Արմեն Աշոտյանը ներկա գտնվեց մի քանի դասերի և տեղեկացավ իրականացվող և նախատեսվող ուսումնական նախագծերի մասին: Պարոն Աշոտյանի այցի ավարտը տեղի ունեցավ Տիգրան Հայրապետյանի անվան գրադարանում, որտեղ կազմակերպված բրիֆինգի շրջանակներում նա լսեց մեր լրագրող-սովորողների հարցերը և պատասխանեց դրանց:
Լիլիթ Աղաջանյան
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` info@mskh.am
