info.mskh-ի հերթապահ լրագրողներ` Մարիա Գրիգորյան, Հռիփսիմե Ահարոնյան
«Մխիթար Սեբաստացի» կրթահամալիրում տեղատարափ էր: Կրթական և մշակութային նպատակներով մեզ հյուր էին եկել Հոլանդիայից: Սկզբում նրանց հրավիրեցինք «Տիգրան Հայրապետյան» գրադարան: Այնտեղ տիար Բլեյանը նրանց պատմեց կրթական ծրագրերի մասին: Հյուրերը հետաքրքրությամբ էին լսում նրան: Հյուրերի այն հարցին, թե արդյոք կրթահամալիրը ինչ-որ կազմակերպության հետ համագործակցում է, տիար Բլեյանը նշեց, որ լավ կլիներ, որ կրթահամալիրին օգնեին և համագործակցեին, նաև լավ կլիներ` ուսուցիչների վճարման խնդիրը իրենք հոգային:
Հետո նրանք բաժանվեցին խմբերի և սկսեցին շրջել կրթահամալիրում: Հյուրերը եղան ջերմոցում, շատ հավանեցին մեր աճեցրած համեմն ու մաղադանոսը: Ընդմիջումից հետո Մարմարյա սրահում տեղի ունեցավ ընդհանուր պարապմունք, որին մասնակցեցին նաև հյուրերը:
Նրանք հեռացան կրթահամալիրից գոհ և տպավորված:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` info@mskh.am
