Մեր նոր համակարգիչների մասին սեմինարներ

Մայիսյան հավաքի այս օրը սկսվեց նոր համակարգիչների ներկայացմամբ: Միաժամանակ երկու վայրում կազմակերպվել էր սեմինար, որտեղ ներկայացվում էին նեթբուքերի առավելությունները, «Տիգրան Հայրապետյան» գրադարանում կրտսեր դպրոցի սովորողների համար, իսկ Ավագ դպրոցի ակումբում՝ ավագ դասարանցիների համար: 

Այս համակարգիչը Intel ընկերության վերջին թողարկումն է և իր հնարավորություններով չի զիջում նոթբուքերին: Միայն չափսերով է փոքր: Նեթբուքերից մի քիչ ծանր է, քանի որ ունի հատուկ պաշտպանիչ պատյան, որը օգնում է չվնասվել ընկնելու ժամանակ: 

Նեթբուքն ունի HD որակի վեբտեսախցիկ:

Գինը 156000 դրամ է: Հնարավոր է այն  ձեռք  բերել 24 ամիս մարելու պայմանով: 

Այս համակարգիչները Հայաստան է բերում Յունիքոմփ ընկերությունը, որը շահել է մրցույթում: Մրցույթը հայտարարել է ՀՀ կառավարությունը՝ մեկ սովորողին մեկ համակարգիչ ծրագրի համար: 

Գրքերի ու տեղեկատվական տեխնոլոգիաների շրջանառու հիմնադրամի ներկայացուցիչ ընկեր Ժաննան ասաց, որ իրենցից գնելով մենք կխնայենք 15 տոկոս, իսկ ուրիշ տեղերից գնելով ավելի թանկ կլինի:

Աստղիկ Մարկոսյան

Լուսանկարները՝ Աստղիկ Մարկոսյանի, Սոնա Արսենյանի