Նախագծի տևողությունը՝ փետրվարի 20-մարտի 10:
Մայրենիի ստուգատես. Աճառյանական օրեր. գրաբարի օլիմպիադա
Նպատակը
- Հայերենի տարբեր շերտերին անդրադառնալը
- Մայրենի լեզվի պահպանման խնդիրը արժևորելը
- Լեզվի զարգացման միտումները ուսումնասիրելը
- Լեզուն որպես մշակութային արժեք ընկալելը, պահպանելը ու, ըստ արժանվույն, ներկայացնելը
Ուղղությունները
- Հայոց լեզվի պատմության նախագծեր
- Ֆլեշմոբ
- Լրաքաղ
- «Կլոր սեղան»-քննարկումներ
- Վարպետության դասեր
- Տեսադասեր
- Աուդիո-, տեսա-, ռադիոնյութեր
- Լեզվաբանական ուսումնասիրություններ. հոդվածներ
- Հայերենի օլիմպիադաների, մրցույթների մասնակցության նախագծեր
- Ճամփորդություններ Հայաստանի մարզերում, բարբառների, տեղանունների ( աշխարհագրական անուններ՝ գետա- լճանուններ, լեռնանուններ, լեռնացքների, քարանձավների, գյուղերի ու քաղաքների անունների և այլն) ուսումնասիրություն
Թեմաները
- Հայերենի ծագումը, հնդեվրոպական լեզու, դրա տրոհումից առաջացած լեզուներ (տարժամանակյա և համաժամանակյա ուսումնասիրություն)
- Հայոց լեզվի այսօրվա վիճակը
- Հայերենն իր երկու ճյուղերով՝արևելահայերեն և արևմտահայերեն
- Ազգային փոքրամասնությունները Հայաստանում
- Լեզվի պետական տեսչության դերը
- Հեռուստատեսության ուժը. Սպասումներ և իրականություն
- Հայերենը՝ մտածողության ձև, ձոն մայրենի լեզվին, ասույթներ, ասացվածքներ լեզվի մասին
- Լեզու և հայրենասիրություն, լեզու և ազգային ինքնաճանաչություն
- Ազգային լեզու և համացանցային լեզու
- Գրաբարաբանությունները ժամանակակից հայերենում
- Օտարաբանությունները հայերենում. մաքրամոլությո՞ւն, թե՞…
- Փոխառյալ բառերը հայերենում
- Հայոց տեղանունների (բնականուններ, ջրանուններ, մանրատեղանուններ և այլն) վերլուծությունը
- Դարձվածքների, շրջասությունների ու թևավոր խոսքերի առաջացման աղբյուրները
- Բառապաշար և ոճ
- Հայերենի բարբառները. պատումներ բարբառներով
- Լեզվական սխալներ, խախտումներ
- Աճառյանի աշխատությունները
- Այլ թեմաներ։
Աշխատակարգ
Փետրվարի 21՝ Մայրենի լեզվի միջազգային օրվան նվիրված ռադիոհաղորդումներ, հարցազրույցներ…
Փետրվարի 22-մարտի 7՝ հոդվածների թողարկում, վարպետության դասեր, կլոր սեղան-քննարկումների, օլիմպիադաների, մրցույթների կազմակերպում, լրաքաղ։
Մարտի 7՝ Հայոց լեզվի օր։
Հիմքում՝ 2016 թվի Մայրենի լեզվի օրերը
