Արևմտյան դպրոց-պարտեզի հինգ տարեկանների մոլորակում իրարանցում է. մեկը մյուսին հերթ չտալով գլորվում ու հինգ տարեկան են դառնում: Ահա ծննդյան հերթական, գունեղ, վառ, սպասված ավետիսը. մեր կարգապահ, հմուտ հետազոտող հինգ տարեկանների շարքը համալրեց Դավիթը և որպես նվեր՝ ընկերներին է նվիրում «Բնագետիկ» լաբորատորիայի անկյունը:
Վաղը` ժամը 14:30, սիրով, մեծ հուզումով սպասում ենք ձեզ լաբորատորիայի նորամուտին, եղեք բնագետիկների ուրախության և խանդավառության առաջին ականատեսը:
Բնագետիկի անկյունն ունի Ձեր գործուն նվիրատվության կարիքը՝ զարգացման իրական միջավայրը ավելի գործնական դարձնելու համար:
Բնագետիկի հերոսներն արդեն ունեն բնագիտական փորձերի զարմանահրաշ փաթեթ, որի համար մեր շնորհակալությունն ենք հայտնում տիար Բլեյանին, խոստանում ենք սկիզբ դնել ստեղծական, հետազոտական, համագործակցային նախագծերի:
«Մխիթար Սեբաստացի» կրթահամալիր ՊՈԱԿ
Հասցե` Հայաստան, Երևան, Հարավարևմտյան զանգված, Րաֆֆու 57 (տեսնել քարտեզի վրա)
Հեռ` +374 (10) 74 72 46 բջջ՝ +374 (91) 43 10 99
Էլ. փոստ` info@mskh.am
