Բարեկամների հաջորդ հանդիպումը՝ հոկտեմբերին

Կրթահամալիրում հունիսյան այս օրերին ՀՀ ԿԳՆ աջակցությամբ կազմակերպված մանկավարժական նորարարության «Բարեկամություն» բաց ճամբարին մասնակցեց 95 մանկավարժական աշխատող՝ Երևանից, ՀՀ մարզերից՝ Տավուշից, Սյունիքից, Լոռուց, Արմավիրից, Արագածոտնից, Արցախից և Վրաստանից։ Հունիսի 28-ին ճամբարը կազմակերպել էր հանրային ներկայացում՝ իր մասնակիցներով, եռօրյա գործունեությամբ-նախագծերով-արդյունքներով, հաստատված գործընկերային պայմանավորվածություններով։ Տպավորիչ-հուզիչ էին վրաստանցի, արցախցի, հայաստանցի մասնակիցների միասնական աշխատանքները, երգեցողությունն ու պարը, մարզանքը, զբոսանքը։ Ճամբարի «Բարեկամություն» մանկավարժական բաց բլոգում ոչ միայն 2017-ի հունիսյան ճամբարն է՝ իր բովանդակությամբ, աշխատակարգով, լուսաբանմամբ, այն նոր հարթակ է մանկավարժական նորարարությունների-ձեռքբերումների արձանագրման-տարածման, գործընկերության համար։ Ճամբարի ձեռքբերումը համարում ենք նրա շարունակականությունը. որպես ճամբարականների նախագծային-բլոգային գործունեություն՝ սկսվել է «Մենթորական բաց լաբորատորիա», «Ընտանեկան ուսուցում. առցանց ֆլեշմոբներ», «Պարերգեր», ընթերցողական, հայրենագիտական-ճամփորդական, նախագծերի առցանց-հեռավար իրականացումը։ Ճամբարային հաջորդ հավաքը նախատեսվում է 2017թ. հոկտեմբերին՝ աշնանային ուսումնական արձակուրդի ժամանակ, որտեղ կամփոփվեն այդ գործունեության արդյունքները։ 

Ճամբարի հաշվետվությունը՝ բլոգում։