Գիտելիքի օրը սեբաստացի նորեկների համար՝ Արագածի նվաճում

Առավոտյան Սուրբ Երրորդության մոտ սեբաստացիների բազմամարդ հավաք է՝ Արագածի գագաթը նվաճելու պատրաստ 124 սովորողներ, ուսուցիչներ, ծնողներ, նրանց ճանապարհողներ... Սեբաստացիական ողջույն աջուձախ, գրկախառնություն, 2018-2019-ի նորեկները՝ պատանիներ, ուսուցիչներ, ծանոթանում են, ջոկատների ղեկավարները ներկա-բացակա անում... Նախագիծը համակարգում է Գևորգ Հակոբյանը։ Սա յուրահատուկ մուտքի, ինքնաճանաչման, միմյանց ճանաչել-օգնել ընկերանալու նախագիծ է՝ պատանիներն ու ուսուցիչները մտնում են սեբաստացիական միջավայր։

Բարի ճանապարհ, անմոռաց վերելք, ուրախ վայրէջք... Դեռ ինչքա՜ն ենք լսելու այս արշավի մասին, ինչ հուզիչ, նախանձելի, սիրուն ֆոտոշարքեր կլինեն։ 

Մասնակիցներն ըստ ջոկատների

• Նելլի Գեղամյան և ընկերներ
• Նարեկ Եղիազարյան և ընկերներ
• Սամվել Թամազյան և ընկերներ
• Լիլիթ Յախինյան և ընկերներ
• Ստելլա Մնացականյան և ընկերներ
• Հասմիկ Գրիգորյան և ընկերներ
• Գևորգ Հակոբյան և ընկերներ

Լուսանկարները՝ Արփի Սահակյանի, Սամվել Թամազյանի