Դիջիթեքյան երկրորդ օրվա սեմինարները

Դիջիթեքի երկրորդ օրը` փետրվարի 5-ին կրթահամալիրի Մայր դպրոցում տեղի ունեցան մի քանի սեմինարներ: Դրանցից երկուսը` Տիգրան Հայրապետյանի անվան գրադարանում: Առաջին սեմինարի թեման էր  «Ամենաարագ համացանցը հանրակրթության մեջ», որը վարում էր «Արմինկո»ընկերությունը: Սեմինարի ընթացքում տրվեցին համացանցի հետ կապված հարցեր,որոնք ստացան իրենց պատասխանները:

«3D-մոդելավորումը հանրակրթության մեջ»սեմինարը տեղի ունեցավ տեխնոլոգիայի սրահում: Այն վարում էր Հիմնական դպրոցի սովորողներից մեկի մայրը` տիկին Լիանան:

«Նոթբուքն ինձ դասընկեր ծրագիրը» ներկայացնում էր «Յունիքոմփ»ընկերությունը: Ծրագրի շրջանակներում այս ընկերությունը ներկայացրեց «Ինթել»-ի նոր ուսումնական նեթբուքը:

Վարժարանի ակումբում «Նաիրի»կոնսորցիումը ներկայացրեց իր նախագծերը:

«Տաթև գիտակրթական համալիր»-ի ներկայացուցիչն էլ գրադարանում խոսեց թեստերի կառավարման համակարգի նրբությունների մասին:

«Forex4you կազմակերպություն»-ն իր հերթին Մայր դպրոցի տեխնոլոգիայի սրահում ներկայացրեց «Եկամուտի աղբյուր` ժամանակակից ինտերնետ տեխնոլոգիաների կիրառմամբ»:

Աղաջանյան Լիլիթ

Info.mskh