Կրթահամալիրում «Տիգրան Հայրապետյանի օրերի» անցկացման մասին

1. Կրթահամալիրի 2012թ. տոնացույցով նախատեսված «Տիգրան Հայրապետյան» օրերն անցկացնել մարտի 18-19-20-ին: Այդ նպատակով.

1. հաստատել օրերի ծրագիրը և պատասխանատուներին (հավելված).
2. կրթահամալիրի գրադարանի, մանկավարժության և կրթական ծրագրերի կենտրոնների ներկայացմամբ «Տիգրան Հայրապետյան» 2012թ. մրցանակներ շնորհել.

• դասավանդող Արտակ Զարգարյանին՝ սովորողների հասարակագիտական-քաղաքացիական նախագծերի արդյունավետ ղեկավարման, ավագ դպրոցում արևելագիտության խորացված ուսուցման կազմակերպման, հասարակագիտական հոդվածների համար: 2012թ. պարգևատրման ֆոնդի միջոցներով Արտակ Զարգարյանին որպես մրցանակ տրամադրել 120.000 դրամ արժողությամբ նեթբուք.
• գեղարվեստի ավագ դպրոցի 11-րդ դասարանի սովորող Սոնա Արսենյանին՝ մեդիայում լրագրողի հետևողական աշխատանքի և արդյունավետ հրապարակախոսության համար: 2012թ. պարգևատրման ֆոնդի միջոցներից Սոնա Արսենյանին նշանակել կրթաթոշակ 8 ամիս ժամկետով ամսական 10.000 դրամ, ընդամենը՝ 80.000 դրամ.
• ավագ դպրոց-վարժարանի 12-րդ դասարանի սովորող Տիգրան Գրիգորյանին՝ արևելագիտության, հասարակագիտական բնագավառում կատարած արդյունավետ հետազոտական-ստեղծագործական աշխատանքի համար: 2012թ. պարգևատրման ֆոնդի միջոցներից նշանակել կրթաթոշակ 4 ամիս ժամկետով ամսական 20.000 դրամ, ընդամենը՝ 80.000 դրամ.

1. ծրագրով նախատեսված միջոցառումների լուսաբանումը info.mskh-ի միջոցով, պատասխանատու՝ Արմինե Թոփչյան:

Կրթահամալիրի տնօրեն՝ Ա. Բլեյան