ՀՀ ԿԳ նախարարության հետ կնքված պետական աջակցության N - Ա-6/18-12 պայմանագրի 2-րդ կետով որոշված «էլեկտրոնային մատենավարության ամբողջական ներդրում» աշխատանքի նպատակային և արդյունավետ իրականացման համար, նկատի ունենալով, որ.
- համակարգիչ, պրոյեկտոր կան բոլոր ուսումնական սենյակներում, կաբինետներում, լաբորատորիաներում, այդ թվում` նախադպրոցականների (մանկան խնամքի) խմբասենյակներում,
- գրասենյակներում, աշխատանքային սենյակներում ստեղծված են համապատասխան պայմաններ, կրթական օբյեկտներում ապահովված է անլար ինտերնետը,
- կրթահամալիրի սոցիոլոգի հարցումները ցույց են տալիս, որ բոլոր սովորողները, ուսուցիչները տանը ունեն համացանցին միացած համակարգիչ,
- մեդիագրադարանը սպասարկում է ուսումնական ամբողջական, թվայնացված առկա են բոլոր դասագրքերը և անհրաժեշտ գրականությունը,
- սովորողների և ուսուցիչների կողմից էլեկտրոնային փոստի գործածումը, կայքի սպասարկումը, էլեկտրոնային մատենավարությունը ներքին կարգապահական կանոններով, աշխատողի պաշտոնական հրահանգով, ներքին իրավական այլ ակտերով որոշված պարտականություններ են.
հրամայում եմ.
- ներքին ողջ գրագրությունը կատարել էլեկտրոնային եղանակով` սովորողներից, ծնողներից և ուսուցիչներից չընդունելով թղթային տպագիր կամ ձեռագիր գրություններ.
- կայքերում օպերատիվ ու ամբողջական դնել անհրաժեշտ տեղեկատվությունը.
- ուսուցիչների սեմինարների միջոցով կազմակերպել անհրաժեշտ ՏՀՏ հմտությունների յուրացումը.
- կրթահամալիրի կրթական ծրագրերում ընդունելության աշխատանքները կազմակերպելիս ստեղծել և տարածել էլեկտրոնային նյութեր.
- սովորողների տնային աշխատանքները ընդունել էլեկտրոնային տարբերակով:
Նկատի ունենալով, որ ՀՀ կառավարությունը, ԿԳ նախարարությունը, մեր բանկերը լիարժեք օգտագործում են էլեկտրոնային գրագրությունը` տպիչի, քսերոքսի օգտագործման յուրաքանչյուր դեպքը պիտի հիմնավորվի և´ գործիքի պատասխանատու աշխատողի, և´ ծրագրի ղեկավարի կողմից:
Մասնաճյուղերի ղեկավարներին հանձնարարում եմ ամիսը մեկ անգամ հրամանի կատարման վերլուծություն անել և արդյունքները ներկայացնել վարչական խորհրդում:
