Դասվար-դաստիարակների վերապատրաստման դասընթացներ

«Մխիթար Սեբաստացի» կրթահամալիրը կազմակերպում է մասնագիտական վերապատրաստման մեկամսյա դասընթացներ դասվարների, դաստիարակների և աշխատանք փնտրող մասնագետների համար: Կարող են դիմել անհատներ և  կազմակերպություններ: Վերապատրաստումներն իրականացվում են վերապատրաստման փորձ ունեցող մասնագետների կողմից, ուսումնական արդիական միջավայրում մասնագիտական հմտությունների փոխանցմամբ. անհրաժեշտ ուսումնական միջոցները տրամադրում է կրթահամալիրը: Վերապատրաստման արդյունքով մասնակցին տրվում  է վկայագիր և կրթահամալիրում դասավանդողի թափուր տեղի համար հայտարարված մրցույթներին մասնակցելու իրավունք:

Դասընթացին մասնակցության համար անհրաժեշտ է մինչև հոկտեմբերի 3-ը, ժամը18:00, լրացնել մասնակցության հայտի ձևը`վերապատրաստման վճարը10000 (տասը հազար) ՀՀ դրամ փոխանցելով Հայէկոնոմբանկի «Մետաքս» մասնաճյուղ163218137665 հաշվեհամարին: Մասնակիցների ցուցակներն ու վերապատրաստման ժամանակացույցը կհրապարակվեն հոկտեմբերի 4-ին, մինչև ժամը18:00: Ուսումնական պարապմունքները կկազմակերպվեն հոկտեմբերի 5-ից։ Գիշերակացի կարիք ունեցողները կարող են օգտվել կրթահամալիրի կրթական փոխանակումների կենտրոնի կացարանից: Հեռ. 74.72.46, 74.00.22, 094.20.84.40

Վերապատրաստման ծրագրում

Դպրոց-պարտեզ նոր ուսումնական միջավայր

• Ուսուցման թվային միջավայր. համակարգչային ծրագրերի, ինտերակտիվ գործիքների կիրառումը ուսուցման մեջ. ուսումնական բլոգ, կայք
• Նոր որակի ուսումնական նյութեր. մեդիագրադարան
• «Մաթեմատիկական ստեղծագործություն»
• Երաժշտությունը, մարմնակրթությունը կրտսեր դպրոց-պարտեզում. երաժշտության ունկնդրում, երգ-պար, դասարանը` երգչախումբ, համույթ, սպորտլանդիաներ, լող
• Ուսուցման կազմակերպում ուսումնական նախագծերի իրականացման միջոցով
• Ուսումնական ֆիլմերի ստեղծումը ուսուցման և արդյունքների ներկայացման միջոց

Ամփոփում