Դեկտեմբերի 3-ին՝ ժամը 11:00-12:00, հրավիրում ենք Գեղարվեստի ավագ դպրոց՝ մասնակցելու «Հայ-վրացական հանրակրթական կամուրջներ 2014» կլոր սեղանի։ Կլոր սեղանին մասնակցում են Թբիլիսիի Ս. Վերսալաձեի անվան թիվ 1 արվեստի դպրոցի մեր գործընկերները։
Երևանի «Մխիթար Սեբաստացի» կրթահամալիր
«Հայ-վրացական հանրակրթական կամուրջներ 2014»
Կլոր սեղան
Ծրագրում՝
- «Հայ-վրացական հանրակրթական կապեր» նախագծի պատմությունից
- Նախագծի 2014թ. աշխատանքները
- Թբիլիսյան քաղաքային պլեներ - 2014թ. մարտ
- Երևանյան քաղաքային պլեներ - 2014թ. հունիս
- Կրթահամալիրի վրացերենի խորացված ուսուցման սովորողների փորձառություն Թբիլիսիում – 2014թ. մարտ, հոկտեմբեր
- Վրացերենի օրեր կրթահամալիրում - 2014 ապրիլ
- Հայերենի ուսուցման խումբ թբիլիսյան դպրոցում
- Հանրապետության օրեր Թբիլիսիում – 2014 մայիս
- Հանրակրթական Դիջիթեք - 2014թ. փետրվար
- Հանրակրթական էկոտուրի թբիլիսյան փուլ – 2014թ. մարտ
- Հանրակրթական էկոտուր Երևանում – 2014թ. ապրիլ
- Հանրակրթական էկոտուրի վրաստանյան և հայաստանյան ամառային ճամբարներ
«Հայ-վրացական հանրակրթական կապեր» նախագիծ
Տեղեկանք
«Հայ-վրացական հանրակրթական կամուրջներ» նախագծերը Հայաստանի և Վրաստանի կրթության նախարարների հավանությամբ իրականացվում են 2009թ-ից։
- Հաստատվել է համագործակցություն վրաստանյան դպրոցների հետ՝ Թբիլիսիի թ. 98 (2009 թ.-ից), թ. 24, թ. 104, Սոլիկո Վերսալաձեի անվան գեղարվեստի դպրոցներ, Սամսխե-Ջավախեթիի Գանձա գյուղի թթ 1 և 2 դպրոցներ։
- Կրթահամալիրում Թբիլիսիի քաղաքապետարանի աջակցությամբ իրականացվում է վրացերենի խորացված ուսուցում, որում այսօր ընդգրկված են կրթահամալիրի միջին և ավագ դպրոցների 50 սովորողներ, մեր կայքը՝ mskh.am, ունի նաև վրացերեն էջ։
- «Հանրակրթական կամուրջներ» նախագծով կրթահամալիրի սովորողները և ուսուցիչները իրականացրել են բազմաթիվ ուսումնական ճամփորդություններ Վրաստան` Թբիլիսի, Բոլնիս, Սամսխե-Ջավախեթի, կրթահամալիրում հյուրընկալել են Թբիլիսիի, Գանձայի դպրոցների ուսուցիչներին և սովորողներին, Հանրակրթական էկոտուրի հայաստանցի և վրաստանցի սովորողները 2013թ. Հայաստանի Տավուշի մարզում միասին մասնակցել են ամառային էկոճամբարի։
- Հայաստանում և Վրաստանում իրականացվել են համատեղ ուսումնական ճամփորդություններ, ուսումնական նախագծեր` կրթահամալիլրում՝ մեդիաօլիմպիադա, «Հանրակրթական դիջիտեք» ստուգատես-էքսպո, հանրակրթական էկոտուր, Թբիլիսիում՝ IYIPO, «Լեոնարդո դա Վինչի» մրցույթ, «Կարդում ենք Ռուսթավելի» մրցույթ, Երևանում և Թբիլիսիում քաղաքային պլեներներ՝ ԱրտԹբիլիսի, ԱրտԵրևան, կրթահամալիրի վրացերեն ուսումնասիրող սովորողների մասնագիտական փորձառությունը Թբիլիսիում և այլն։
- Թբիլիսիի քաղաքապետարանի հետ համատեղ կրթահամալիրում անցկացրել ենք «Վրացերենի պետական օրեր» ամենամյա տոնը, Երևանում և Թբիլիսիում մայիսի 26-28-ին համատեղ նշում ենք «Հանրապետության օրեր» տոնը։
Կրթահամալիրի տնօրենը հպարտությամբ կրում է Թբիլիսիի քաղաքապետի շնորհած «Վրաստանի մշակույթի դեսպան» կոչումը: Թբիլիսիի թ. 98 դպրոցի տնօրեն Գիորգի Մոմցելիձեն պարգևատրվել է ՀՀ ԿԳ նախարարի պատվոգրով։ Կրթահամալիրը ջերմ բարեկամական հարաբերությունների մեջ է Հայաստանում Վրաստանի դեսպանատան հետ։ Կրթահամալիրում եղել և նրա գործունեությանը ծանոթացել են նորին գերազանցություն Հայաստանում Վրաստանի դեսպան պարոն Շարմանաշվիլին, Վրաստանի ԿԳ նախկին նախարար պարոն Շաշկինը:
Հասցեն՝ կրթահամալիրի Գեղարվեստի ավագ դպրոց (Րաֆֆի 69/1)
