Առողջապահական կրթում

Օրինակ վերցրեք  արեւի ժամացույցից,  միայն  ուրախ  ու  լուսավոր  օրերի հաշիվը  պահեք։   Գերմանական  ասացվածք

Այրոց

   Այրոցը  վերորովայնային  մասում ՝  կրծոսկրի  հետևում՝  այրոցի,  տաքության  և  ցավի  զգացողությունն  է:  Այրոցն  առաջանում  է,  երբ   մարսողական  հյութի  մի  մասը,  որը  գտնվում է  ստամոքսում  և  իր  մեջ  պարունակում  է  աղաթթու,  հետ  է  մղվում  կերակրափող  և  առաջացնում  նշված  զգացումները  կերակրափողում:

   Ստամոքսի  լորձաթաղանթն  ունի  պաշտպանիչ  շերտ,  որի  շնորհիվ  աղաթթուն  չի  քայքայում  այն,  մինչդեռ  կերակրափողի  լորձաթաղանթը  չունի  այն:

   Այրոցի  առաջացման  պատճառներն  են՝

·         կծու  սննդի  կամ  ալկոհոլի  չարաշահումը

·         միանգամից  մեծ  քանակությամբ,  հատկապես  յուղալի  սննդի ընդունումը

·         հղիությունը

·         որոշ  սննդատեսակներ  և  ըմպելիքներ / տոմատ,  սխտոր,  շոկոլադ,  սուրճ,  թեյ /

·         ծխելը

·         որոշ  դեղամիջոցներ:

   Այրոցը  կանխելու  համար՝

·         սնունդն  ընդունեք  փոքր  չափաբաժիններով.  որքան  մեծ  է  ընդունված  սննդի  ծավալը, այնքան  մեծ  է  հավանականությունը,  որ  այն  հետ  կմղվի  դեպի  կերակրափող

·         խուսափեք յ ուղոտ,  կծու, թթու,  ապխտած,  տոմատով  պատրաստված  սննդատեսակներից

·         սնունդն  ընդունեք  պառկելուց  առնվազն  2-3  ժամ  առաջ.  լիքը  ստամոքսով  պառկած վիճակում  սնունդն  ավելի  հեշտ  է  հետ  մղվում  կերակրափող

·         մի  ծխեք,  մի  չարաշահեք  ալկոհոլը  և  սուրճը

·         մի  հագեք  գոտկատեղը  կիպ  սեղմող  հագուստ

·         կարգավորեք  քաշը,  եթե  գեր  եք

·         ընդունեք  բջջանքով  հարուստ  սնունդ / ձավարեղեն, մրգեր,  բանջարեղեն, լ ոբազգիներ:/   

   Այրոցը  թեթևացնելու  նպատակով  խորհուրդ  չի  տրվում  օգտագործել  կերակրի  սոդա  կամ գազավորված  ըմպելիքներ.  սկզբում  դրանք  կարող  են  թեթևացնել  վիճակը,  իսկ  հետագայում ավելի  վնասել  լորձաթաղանթը:

  Հաճախակի  կամ  երկարատև  այրոցի  դեպքում  անպայման  դիմեք  բժշկի: