«Մխիթար Սեբաստացի» կրթահամալիր
"Mkhitar Sebastatsi" Educomplex
«Բարձունքների հաղթահարում» նախագծի շրջանակներում սեպտեմբերի 28-ին Հիմնական դպրոցի մի խումբ սովորողներ և մի քանի դասավանդող մեկնեցին Արզական գյուղ: Կրթահամալիրում սեպտեմբերի 28-ի շաբաթ օրը հայտարարված էր արտագնա կլոր սեղանների օր: Մենք որոշեցինք համատեղել երկուսը մեկում և այցելեցինք գյուղի միջնակարգ դպրոցը: Այստեղ մեզ շատ ջերմ ընդունեցին, իսկ հանդիպման ավարտից հետո մեզ միացան գյուղի դպրոցի 10-րդ դասարանի երկու սովորող, ովքեր սիրով մեզ ուղեկցին և պատմեցին իրենց գյուղի մասին: Տպավորությունները շատ էին, բնությունը` չքնաղ և խոսքերն անզոր են նկարագրելու հաճույքը, որը զգացին ճամփորդության բոլոր մասնակիցները:
