Նկարագրություն:
Ապրիլի 8-ին Հ. Թումանյանի տուն-թանգարանում տեղի ունեցավ «Բարև, պարոն Պիկասո» նախագծի արդյունքում ստեղծված Գեղարվեստի ավագ դպրոցի սովորողների ցուցահանդեսը: Նախագծի ղեկավարը արվեստաբան Արման Գրիգորյանն է: Բացման մեկնարկը տեղի ունեցավ թանգարանի բակում՝ կրթահամալիրի սովորողների, դասավանդողների միասնական ասմունքով: Շարունակվեց կրթահամալիրի «Սեբաստացիներ» ուսուցչական երգչախմբի ելույթով. գեղարվեստական ղեկավար՝ Հարություն Թոփիկյան և «Սեբաստացիներ» պատանեկան ռոք խմբի կատարումներով. ղեկավար` Կարեն Խաչատրյան: Սովորողների աշխատանքները Թումանյանի թանգարանի ցուցասրահում յուրահատուկ հմայք են ստացել: Ցուցահանդեսը դեռ կշարունակվի գործել, ովքեր ներկա չեն եղել, կարող են այցելել:
