«Մխիթար Սեբաստացի» կրթահամալիրի հետ կրթական փոխանակումների ծրագրով կրթահամալիրի Գեղարվեստի ավագ դպրոց ժամանած հոլանդացի ժամանակակից արվեստագետներ Առնո Փիթերսը և Իրիս Հոնդենդորսը իրականացնում են «Սիրով…» նախագիծը: Նախագծի իրագործմանը մասնակցում են կրթահամալիրի և քաղաքապետարանի թիվ 181 հիմնական դպրոցի սովորողները և ուսուցիչները:
Լսվելու և ցուցադրվելու են մեր սովորողների՝ տարբեր երկրներում ապրող բարեկամների բարեմաղթանքները «ինստալացիա» կոչվող ժամանակակից արվեստի ձևով: Միջոցառմանը մասնակցելու են նաև երաժիշտներ, պարային համույթներ:
Նախագծի հրապարակային ներկայացումը համերգ-ցուցադրության տեսքով կկայանա մայիսի 23-ին` ժամը 19.00, ՀԱԶ Բ-1 թաղամասում` կրթահամալիրի Մայր դպրոցի և թ. 181 դպրոցի միջև գտնվող հրապարակում: