Հյուսիսային դպրոցում ընդունելությունն ընթացքի մեջ է․․․

Բարև  հարգելի՛ ծնող, սովորող կամ էլ պարզապես հետևող-ընթերցող։ 

Ես Կարինե Խառատյանն եմ: Արդեն 8-րդ տարին է, որ աշխատում եմ «Մխիթար Սեբաստացի» կրթահամալիրում։ Ունեմ բարձրագույն կրթություն. ավարտել եմ ԵՊՄՀ մաթեմատիկայի և ինֆորմատիկայի ֆակուլտետը՝ ստանալով բակալավրի և մագիստրոսի կոչում: «Սեբաստացիներ» ուսուցչական երգչախմբի անդամ եմ:
2018-2019 ուսումնական տարում սիրով սկսելու եմ աշխատանքս Հյուսիսային դպրոցի 1-ին  դասարանի սովորողների հետ։
Սիրով սպասում ենք  բոլոր այն սովորողներին, ովքեր կցանկանան մեզ հետ մասնակցել բաց, ազատ և հետաքրքիր միջավայրում իրականացվող ուսումնական գործունեություններին։

Ներկայացնում եմ՝ ուսումնական գործունեությունների ուղղությունները․

• Ընթերցողական նախագծեր, հանդիպումներ և քննարկումներ հասակակից ընկերների հետ
• Մաթեմատիկական խնդիրների, գլուխկոտրուկների, տրամաբանական և կառուցողական խաղերի օգնությամբ մաթեմատիկայի ուսուցում
• Բնագիտական և բնության մեջ տարբեր փորձերի ու հետազոտությունների միջոցով ֆիզիկայի և քիմիայի տարրական գիտելիքների ձեռքբերում
• Երաժշտական խաղերի, ազգային երգ ու պարի միջոցով երաժշտական ճաշակի ձևավորում, երգի ու պարի ուսուցում
• Ամենամսյա առարկայական ֆլեշմոբերի մասնակցությամբ գիտելիքների ձեռքբերում և ամփոփում
• Ուսումնական ճամփորդությունների միջոցով հայրենագիտական գիտելիքների ձեռքբերում, ճամփորդությունների կազմակերպում, բարձունքների հաղթահարում
• Ուրախ օտար լեզու նախագծով օտար լեզվի յուրացում և գործածում
• Ամենօրյա մեդիագործիքների կիրառում՝ մեդիագիտելիքների ձեռքբերում, բլոգավարություն
• Մարմնամարզական խաղերի, ստուգատեսների իրականացում
• Լող, հեծանվավարություն, վազք։

Միջավայրը.

• Լուսավոր, ջեռուցվող և թափանցիկ ուսումնական սրահներ
• Տեխնոլոգիական բաց լաբորատորիա
• Լողավազան
• Բակ՝ կանաչապատ ուսումնական տարածքներով։
• Խոհանոց

Ուսումնական լրացուցիչ ծառայություններ․

• Երկարացված օրվա
• Սովորողների տեղափոխում՝ նախապես նշված երթուղիներով
• Լրացուցիչ կրթություն՝
  Երաժշտություն (դաշնամուր, ջութակ)
  Կերպարվեստ (նկարչություն, խեցեգործություն)
  Շախմատ
  Մարմնամարզություն
  Լող
  Պար
  Կարատե

Ուսումնական բլոգ՝ https://karinekharatyanblog.wordpress.com/

Էլեկտրոնային հասցե՝ k.kharatyan@mskh.am. հեռ՝ (093) 09 73 08
Ծրագրի ղեկավար՝ Քնարիկ Ներսիսյան. էլ. հասցե՝ q.nersisyan@mskh.am, հեռ.` (043) 17 56 98
Հյուսիսային դպրոց՝ http://artschool.mskh.am/. հեռ.՝ (010) 73 52 10