Գրում է Միջին դպրոցի սովորող Հայկ Մարգարյանը, ամբողջականը՝ բլոգում․
Ես յոթ օրով պետք է մեկնեի Թուրքիա՝ Ստամբուլ։ Չնայած դեռ արևը դուրս չէր եկել, և ես շատ քիչ էի քնել, միևնույնն է` իմ տրամադրությունը շատ բարձր էր։ Երբ արդեն դպրոցի մոտ էինք, ես մոտեցա ընկերներիս։ Երկար խոսեցինք, թե կարճ, ինքս էլ չեմ հիշում, բայց ավտոբուսը տեսնելուց հետո բոլորի զարմացած դեմքերը դեռ երկար չեմ մոռանա։ Ավտոբուսը իսկապես մեծ էր, անվտանգությունն էլ` ապահովված։ Ճամպրուկները տեղավորելուց և ծնողներին ցտեսություն ասելուց հետո, մտանք ավտոբուս։ Ես շատ ուրախ էի, որ այսպիսի լավ ավտոբուսով պետք է ճամփա գնանք, քանի որ ավտոբուսում ինտերնետ կար, իսկ նստարանների վրա` փոքրիկ հեռուստացույցներ, որոնց շնորհիվ ճանապարհն ավելի հետաքրքիր կանցներ։