ՀՀ ԿԳ նախարարի և կրթահամալիրի տնօրենի միջև 2011թ. փետրվարի 3-ին կնքված պետական աջակցության Ա-6/19-11 պայմանագրի հավելվածով որոշված է ծրագրի 2011թ. աշխատանքի բովանդակությունը։
Պետական աջակցություն (դրամաշնորհ) «Երևանի «Մխիթար Սեբաստացի» կրթահամալիր» ՊՈԱԿ-ին
«Փորձարարական մանկավարժական ծրագրերի իրականացում հանրակրթությունում» ծրագրի իրականացման համար
-
Կրթահամալիրում իրականացվող այլընտրանքային կրթական ծրագրերը որպես մեդիահանրակրթություն. ուսումնական պլանների, ուսումնական կարգերի, ծրագրերի լրամշակում, ուսումնական նյութերի ստեղծում, ուսումնական միջավայրի բարելավում
-
Կրթահամալիրում իրականացվող այլընտրանքային կրթական ծրագրերը, այդ թվում` արհեստագործական և միջին մասնագիտական, որպես տեխնոլոգիական կրթության (կարողությունների ձևավորում և զարգացում) տարբեր մակարդակներ. ուսումնական պլանների, ուսումնական կարգերի, ծրագրերի լրամշակում, ուսումնական նյութերի ստեղծում, ուսումնական միջավայրի բարելավում կրթության պետական սկզբունքների (ՀՀ օրենքը հանրակրթության մասին, հոդված 5, կետ 2 (2, 8)) ապահովման նպատակով
-
Կրտսեր դպրոց-պարտեզում իրականացվող «Իմացումի հրճվանք» ծրագրի բովանդակության բազմաձևության (լեզվագործունեություն, այդ թվում` օտար լեզուներ, թվաբանական, բնագիտական-բնապահպանական, տեխնոլոգիական, այդ թվում` մեդիա, երաժշտական, այդ թվում` պար և նվագարաններ, մարզական, այդ թվում` մարմնամարզություն և լող, թատերական) ապահովում` ծրագիրը կրող ուսուցչի (դաստիարակի և դասվարի) կարողությունների զարգացման և նրա աշխատանքի կազմակերպման միջոցով
-
Յունիքոմփ ֆիրմայի աջակցությամբ «Անհատական համակագիչ-դասընկեր», «Ֆիրմա Ալֆա»-ի աջակցությամբ` «Էլեկտրոնային գրատախտակը և էլեկտրոնային գրիչները հանրակրթական դասարանում», Ինֆորմացիոն տեխնոլոգիաների ձեռնարկությունների միության աջակցութամբ «Ռոբոտիքս» ծրագրերի իրականացում
-
Ուսումնաարտադրական արհեստանոցների ստեղծում և դրանցում սովորողների ուսուցման կազմակերպում (ՀՀ օրենքը հանրակրթության մասին, հոդված 7, կետ 10)
-
Աջակցություն կրթահամալիրի` որպես մեդիահանրակրթության և տեխնոլոգիական կրթության` այլընտրանքային (հեղինակային) արդյունավետ համակարգի պահպանությանը (մանկավարժության կենտրոն և մանկավարժական էլեկտրոնային «Դպիր» պարբերական, ուսումնական կայք (այդ թվում` ինտերնետային TV, ինտերնետ ռադիո, թարգմանչական լրատվական գործակալություն, Վիկիպեդիայի խմբագրություն), գրադարան, մեդիահրատարակչատուն, մեդիատպագրություն
-
Սովորողների և ուսուցիչների ընտրությամբ` արաբերենի, վրացերենի, պարսկերենի, թուրքերենի ուսուցման միջոցով միջմշակութային հաղորդակցության զարգացում: Հետազոտական աշխատանքներում ուսուցիչների օտար լեզուներ կիրառելու հմտությունների զարգացում
-
Կրթահամալիրի, դպրոցի, դասարանի, խմբի, սովորողի ուսումնական գործունեության գնահատման էլեկտրոնային համակարգի ամբողջացում
-
Աջակցություն կրթահամալիրում իրականացվող նախադպրոցական այլընտրանքային կրթության ծրագրին (նախադպրոցական խմբերի պահպանում, հանրապետության նախադպրոցական հաստատությունների ղեկավար և մանկավարժական աշխատողների վերապատրաստում, ծրագրային նյութերի և վերապատրաստման մոդուլների հրատարակում, «Պարտեզ» էլեկտրոնային կայք)
-
Ուսումնահայրենագիտական ճամփորդություններ, արշավախմբային գործունեություն
-
Սովորողների և դասավանդողների փոխանակման ծրագրեր, պարբերական օնլայն քննարկումների (livemeeting) կազմակերպում, հետազոտող ուսուցիչների ամենամյա բաց հավաքների կազմակերպում
-
Տարատարիք սովորողների ուսումնահետազոտական ճամբարների կազմակերպում
-
Առարկայական բաց օլիմպիադաների, տեխնոլոգիական ստուգատեսների կազմակերպում, սովորողների հեռավար ուսուցում, ամենամյա հանրակրթական Դիջիտեքի, մեդիափառատոնի կազմակերպում
-
Ձեռնարկությունների ինկուբատոր հիմնադրամի, «Ինթել»-ի պաշտոնական ներկայացուցիչ «Յունիքոմփ» ֆիրմայի, «Մայքրոսոֆթ ԱՐԷՅ» կազմակերպության, Ինֆորմացիոն տեխնոլոգիաների ձեռնարկությունների միության, «Ֆիրմա Ալֆա»-ի աջակցությամբ ՏՀՏ միջոցներ, էլեկտրոնիկայի և տեխնիկական ստեղծագործության հանրակրթական ծրագրեր կիրառող օրինակելի դպրոցների ցանցի, այդ դպրոցների համար ուսումնական փաթեթի ստեղծում և ուսուցիչների վերապատրաստում
Կրթահամալիրի տնօրեն` Ա. Բլեյան
Մանկավարժության կենտրոնի ղեկավար` Ս. Մարկոսյան
