Գեղարվեստի ավագ դպրոց

posted by Սուսան Մարկոսյան on Thu, 26/07/2012 - 11:04

2012-2013 ուստարի

Ուսումնական պլան

Ուսումնական դասընթացներ	Տարեկան ժամաքանակ
	X		XI	XII
Ընդհանուր
Մայրենի խոսքի մշակույթ	72	72		-
Հայոց լեզու	-	-		136
Գրականություն	72	72		-
Հայ գրականություն	-	-		102
Մաթեմատիկա և ինֆորմատիկա	72	72		102
Բնագիտություն	-	-		68
Հայ ժողովրդի պատմություն	72	72		68
Փիլիսոփայություն	36	-		-
Տնտեսագիտություն	36	-		-
Իրավունք	-	36		-
Քաղաքագիտություն	-	36		-
Էկոլոգիա	72	72		-
Արվեստ	72	72		-
Անգլերեն	144	144		-
Օտար լեզու	-	-		68
Ֆիզկուլտուրա և առողջ ապրելակերպ	102	102		68
ՆԶՊ և արտակարգ իրավիճակներ	36	36		-
Մասնագիտական կողմնորոշում	-	-		34
Ուսումնական-հասարակական նախագծեր	-	-		34
Առարկայական գնահատում և խորհրդատվություն	-	-		68
	792	792		748
Սովորողի ընտրությամբ դասընթացներ
Գծանկար	144	144		-
Գունանկար	144	144		-
Կոմպոզիցիա	144	144		-
Գծագրություն, նախագծում	144	144		-
Արվեստի պատմություն	72	72		-
Քանդակ	144	144		-
Համակարգչային գրաֆիկական ծրագրեր	72	72		-
Վիզուալ էֆեկտներ և մոնտաժ	108	108		-
Օպերատորական գործ	72	72		-
Ռեժիսուրա և բեմադրական գործ	72	72		-
Լրագրություն, հաղորդավարական գործ, սցենարային աշխատանք	72	72		-
Լուսանկարչություն	72	72		-
Դերասանի վարպետություն	144	144		-
Բեմական խոսք	144	144		-
Դրամատուրգիա	72	72		-
Թատրոնի պատմություն	36	36		-
Սոլֆեջիո	72	72		-
Երաժշտություն	36	36		-
Պար	72	72
Տե´ս նաև ավագ դպրոց-արժարանի, Արհեստագործական ավագ դպրոցների ուսպլաններում ներկայացված ընտրությամբ դասընթացները
Ակումբային գործունեություն
Անգլիախոսների	144	144		144
Խաղարկային դատարան	144	144		144
Հայրենագիտական-էկոլոգիական	144	144		144
Գիտակների	144	144		144
Տիեզերք	144	144		144
TV MSKH և կինո-ֆոտոյի	144	144		144
Մարզական	144	144		144
Ռոբոտիքս	144	144		144
Թատրոն	144	144		144
Գարդենիա	144	144		144
Ծեսերի կենտրոն	144	144		144
Երգչախումբ	144	144		144
Արվեստ-թերապիա	144	144		144
Արվեստաբանի	144	144		144
Հնագետի	144	144		144
Մասնագիտական փորձառություն	-	-		34
Լրացուցիչ ուսուցում
Գծանկար	144	144		144
Գունանկար	144	144		144
Կոմպոզիցիա	144	144		144
Գծագրություն, նախագծում	144	144		144
Սովորողի ընտրությամբ	432-648	432-648		0-612

Ուսումնական պլանի պարզաբանումներ

1. Ուսումնական պլանը «Ստեղծողի դպրոց. անհատի կրթական պատվեր. մեդիակրթություն» հեղինակային (պետական այլընտրանքային) կրթական ծրագրի (այսուհետ` Ծրագիր) հավելվածն է:
2. 10-12-րդ դասարան սահմանված կարգով ընդունվում է հիմնական կրթություն ունեցող համապատասխան դասարանի սովորողը, ով ընդունում է Ծրագիրը, կատարում ընդունելության պահանջները և ծնողի (օրինական ներկայացուցիչի) հետ միասին, սահմանված կարգով, կնքում պայմանագիր ուսումնառության մասին:
3. Ընդհանուր հանրակրթության դասերը կազմակերպվում են 20-25 հոգիանոց խմբերով: Սովորողի ընտրությամբ գործունեության պարապմունքները կազմակերպվում են 12-15 հոգիանոց խմբերով: Կրթահամալիրի տնօրենի որոշմամբ կարող են գործել ավելի փոքրաքանակ խմբեր` կրթահամալիրի ոչ բյուջետային միջոցների հաշվին: Ուսուցման կազմակերպման մեջ սահմանված կարգով կիրառվում են առկա, հեռավար, առցանց, տնային ուսուցման ձևեր։ Ակումբային գործունեությունը կազմակերպվում է «Մխիթար Սեբաստացի» կրթահամալիրում ակումբային աշխատանքի կազմակերպման կարգին համապատասխան:
4. Ուսումնական պլանի պարզաբանումներում նշված կարգերը ուսումնական պլանի հավելվածն են: Դրանցում փոփոխությունները դպրոցի ղեկավարի ներկայացմամբ հաստատում է կրթահամալիրի տնօրենը:
5. Սովորողի առաջադիմությունը, ուսումնական արդյունքները, սովորողի մասին անհրաժեշտ այլ տեղեկություններ սահմանված կարգով էլեկտրոնային գրանցում են ստանում:
6. Ուսումնական տարին կազմակերպվում է կրթահամալիրի տարեկան ուսումնական օրացույցով: Դրանով որոշված ճամբարների, ուսումնական ստուգատեսների, Հանրակրթական դիջիթեքի, մեդիաօլիմպիադաների, ծեսերի և տոների սահմանված կարգով մասնակցությունը պարտադիր ուսումնական աշխատանք է:
7. Ուսումնական շաբաթը 6-օրյա է: Շաբաթ օրերը հատկացվում են հայրենագիտական, ուսումնական ճամփորդությունները, ուսումնական-հասարակական նախագծերը, լրացուցիչ կրթության պարապմունքները կազմակերպելուն:
8. Ուսումնական օրը սկսվում է Ծրագրի 15 րոպե տևողությամբ առավոտյան ընդհանուր պարապմունքով` սահմանված կարգով և ծրագրով: Հանգստյան, տոնական, արձակուրդային օրերին ընդհանուր պարապմունքը կազմակերպվում է առցանց։ Պարապմունքի կազմակերպումը սովորողների և դասավանդողների ուսումնական-հասարակական նախագիծն է:
9. Ուսուցումը կազմակերպվում է տանը և դպրոցում ուսուցողական թվային միջոցների կիրառմամբ: Սովորողը տանն ունի համացանցին միացած համակարգիչ: Ծրագիրը դպրոցում ապահովում է անլար ինտերնետից, համակարգչից, ձայնագրիչից, ֆոտոխցիկից ուսումնական նպատակներով անարգել օգտվելու հնարավորություն: Ուսումնական առաջադրանքները և դրանց պատասխանները ներկայացվում են նաև էլեկտրոնային եղանակով:
10. Սովորողը և դասավանդողը կրթահամալիրի գրադարանի, այդ թվում` մեդիանյութերի և միջոցների բաժանորդն է: Գրադարանը սովորողին և ուսուցչին սահմանված կարգով տանը և դպրոցում ապահովում է անհրաժեշտ ուսումնական տպագիր և էլեկտրոնային նյութերով, միջոցներով:
11. Կրթահամալիրի, Գեղարվեստի ավագ դպրոցի կայքերին հետևելը և դրանց աշխատանքին մասնակցելը սովորողի պարտադիր ուսումնական աշխատանք է:
12. Ուսումնական պարապմունքների բացօթյա կազմակերպումը դիտվում է որպես սովորողի իրավունքների իրագործում:
13. Էլեկտրոնային օրագրի, ուսումնական բլոգի վարումը սովորողի համար պարտադիր ուսումնական աշխատանք է:
14. Սահմանված կարգով իրականացվող ուսումնական ճամփորդությունները դասընթացների և մոդուլների բաղկացուցիչն են: Սովորողի մասնակցությունը այդ ճամփորդություններին պարտադիր ուսումնական աշխատանք է:
15. Կրթության առանձնահատուկ պայմանների կարիքով, տևական շրջան Հայաստանից բացակայած սովորողների համար կրթական ծրագիրը սահմանված կարգով կարող է կազմակերպվել անհատական ուսումնական պլանով ու ծրագրերով ուսուցում:
16. Սովորողները սահմանված կարգով մասնակցում են շրջապատի կամ նյութական միջավայրի բարելավմանն ուղղված նախագծերի իրականացմանը: Ուսումնական-հասարակական (քաղաքացիական կրթության) նախագծերը սահմանված կարգով իրականացվում են տարվա ընթացքում:
17. Սովորողները սահմանված կարգով մասնակցում են պարտադիր ինքնասպասարկմանը` հիգիենիկ պահանջների պահպանում, ուսումնական տարածքի և գույքի խնամք: Այդ աշխատանքը ուսումնական ծանրաբեռնվածության մաս չի կազմում:
18. Ընդհանուր դասընթացները` 22 ժամ շաբաթական ծանրաբեռնվածությամբ, պարտադիր են 10-12-րդ դասարանների բոլոր սովորողների համար:
19. 10-11-րդ դասարաններում սովորողը ընտրությամբ դասընթացներից (այդ թվում` Ավագ դպրոց-վարժարանի, Արհեստագործական ավագ դպրոցի ուսպլաններում ներկայացված), ակումբային գործունեությունից և լրացուցիչ ուսուցումից կազմում է իր անհատական ուսումնական պլանը՝ շաբաթական 12-18 ժամ ծանրաբեռնվածությամբ:
20. 12-րդ դասարանում սովորողը շաբաթական 22 ժամ ընդհանուր պարտադիր դասընթացից բացի կարող է ընտրել մինչև 18 ժամ ուսումնական ծանրաբեռնվածություն` ակումբային գործունեություն և լրացուցիչ ուսուցման դասընթացներ:
21. 12-րդ դասարանում ընդհանուր պարտադիր դասընթացներն ուղղված են ավարտական քննությունների առարկայական նախապատրաստությանը:
22. Լրացուցիչ ուսուցումը ներառում է հայաստանյան, արտասահմանյան բուհի ընդունելության առարկայական նախապատրաստություն, մասնագիտական որակավորմանն ուղղված ուսուցում, այլ ուսուցում: Լրացուցիչ ուսուցման դասընթացների կազմակերպման համար 10-11-րդ դասարանում սովորողի (ծնողի) հետ կնքվում է լրացուցիչ կրթության պայմանագիր` որպես ուսումնառության պայմանագրի հավելված:
23. Անգլերենի ուսուցումը կազմակերպվում է ըստ սովորողի լեզվական կարողությունների մակարդակի:
24. Մասնագիտական կողմնորոշումը անցկացվում է դասընթացով` ուսումնական տարվա ընթացքում:
25. «Ֆիզկուլտուրա և առողջ ապրելակերպ» առարկան 10-11-րդ դասարաններում սովորողի ընտրած մարզաձևն է. սովորողը մասնակցում է թիմային պարապմունքներին: 12-րդ դասարանում կազմակերպվում է արշավներով կամ սպորտային պարերով. սովորողը կարող է ընտրել նաև մարզական ակումբային գործունեություն:
26. «ՆԶՊ և արտակարգ իրավիճակներ» առարկան կազմված է «Առաջին բուժօգնություն», «Քաղաքացիական պաշտպանություն և արտակարգ իրավիճակներ», «Նախազորակոչիկի իրավունքներ և պարտականություններ», «Զինվորի այլ հմտություններ» դասընթացներից, որոնց ուսուցումը կազմակերպվում է ռազմա-մարզական ճամբարներում կամ հավաքներում:
27. Ուսումնական պլանի և ուսումնական ծրագրերի կատարողականն արտացոլվում է դպրոցի ղեկավարի, դասավանդողների և սովորողների էլեկտրոնային օրագրերում, ուսումնական բլոգներում և սահմանված կարգով ներկայացվող էլեկտրոնային ամսական և կիսամյակային հաշվետվություններում:
28. Կիրառվում են գնահատման տարբեր ձևեր, որոնք բերվում են 10 միավորանոց համակարգի: Գնահատման հիմքում դրվում են սովորողի անհատապես և խմբով կատարած աշխատանքների թղթապանակը (այդ թվում` ինքնաստուգումներ, ընթացիկ և կիսամյակային ամփոփիչ ստուգումներ, հեռավար առաջադրանքների կատարում, հետազոտական-ստեղծագործական աշխատանք, ուսումնական կայքի աշխատանք, ուսումնա-հասարակական նախագծեր, ուսումնական ճամփորդություններ, հայրենագիտական արշավներ, ստեղծագործական ստուգատեսներին, հավաքներին, օլիմպիադաներին, այդ թվում` մեդիա, ցուցահանդեսներին, փառատոներին մասնակցություն), ամսական հաշվետվությունները: Կարող են գործել դասընթացի ծրագրով նախատեսված գնահատման այլ ձևեր: Խրախուսվում է սովորողի ուսումնական գործունեության ինքնահսկման և ինքնաստուգման ձևերի կիրառումը և արդյունքների հրապարակայնացումը մեդիայի միջոցով:
29. Սովորողի ստեղծած այլ տեսակի արդյունքները սահմանված կարգով ներկայացվում են ցուցադրություններում, ցուցահանդեսներում, ստեղծագործական հավաքներում:
30. 12-րդ դասարանի վերջում սովորողները հանձնում են միասնական և ավարտական քննություններ` ԿԳ նախարարության սահմանած կարգով:

7108 reads

Ընդունելություն

Ֆոտոպատում

Դիտեք մեր եթերում

mskh.am-ը ֆեյսբուքում

Search form

Գեղարվեստի ավագ դպրոց

Ընդունելություն

Ֆոտոպատում

Դիտեք մեր եթերում

mskh.am-ը ֆեյսբուքում