Նկարագրություն:
Ուշիի Սուրբ Սարգիս վանքի հնագույն շինությունը միանավ, թաղածածկ փոքր եկեղեցին է, որը, ինչպես ենթադրվում է, եղել է մատուռ-դամբարան։ Այն, ըստ ավանդության, կառուցել է Մեսրոպ Մաշտոցը 5-րդ դարում, երբ Պարսկաստանից այստեղ է բերել ու ամփոփել Սբ Սարգիս զորավարի նշխարները։
Հետագայում, եկեղեցին վերանորոգվել է 11-12, գուցե նաեւ 17-րդ դարերում։ 1827 թվականին ավերիչ երկրաշարժի հետևանքով հիմնահատակ կործանվել են վանական համալիրի շինությունները:1999 թվականից Շահե արք. Աճեմյանի նախաձեռնությամբ և հովանավորությամբ սկսվել են վանական համալիրի պեղումները, որոնց ընթացքում բացվել են Սուրբ Աստվածածին եկեղեցին, սրահի և այլ շինությունների ավերակներ, ինչպես նաև մշակութային արժեք ներկայացնող խաչքարեր և տարբեր իրեր:
Նկարներում Ուշիի Սուրբ Սարգիս վանական համալիրի զարդանախշերն ու զարդաքանդակներն են:
