«Պետք է գրագողություն չանել»,- օտար լեզվի սեմինարից

Երեկ ես ներկա գտնվեցի դասավանդողների ամենշաբաթյա սեմինարներից մեկին՝ Ավագ դպրոցների օտար լեզուների ուսուցիչների սեմինարին: Այն վարում էր Յուրա Գանջալյանը, բոլոր դասավանդողները ակտիվ մասնակցում էին քննարկմանը, առաջարկում իրենց տարբերակներն ու կարծիքները: Սեմինարի հիմնական քննարկման թեման այն էր, որ և’ դասավանդողները, և’ աշակերտները իրենց նյութերը պատրաստելիս պետք է փորձեն գրագողություն չանել: Բոլորը համաձայն էին, որ հոդված պատրաստելու համար պետք է տվյալ թեմայի մասին տեղեկանալ տարբեր  աղբյուրներից, իսկ հետո այնտեղից վերցված մտքերը ձևափոխել, իրենց կարծիքն ավելացնել և այդ ժամանակ միայն այն ներկայացնել որպես սեփական տեսակետ: Սեմինարի վերջում որոշվեց նաև դասավանդողների պատրաստած և կայքում տեղադրված նյութերը թարգմանել տարբեր լեզուներով՝ անգլերեն, վրացերեն, որպեսզի այլ երկրներից նույնպես կարողանան ծանոթանալ կայքում տեղ գտած նյութերին, չէ՞ որ ոչ բոլորը հայերեն գիտեն, բայց կան նյութեր, որոնք բոլորի համար էլ հետաքրքիր և օգտակար են:

Նյութը պատրաստեց Սողոյան Լիլիթը

Info-mskh ակումբ